کوژرانی هونەرمەندێک لە دیمەشق دەنگدانەوەیەکی زۆر بەدوای خۆیدا دەهێنێت
وڵات تیڤی - هەولێر
هونەرمەندێکی عێراقی کە دانیشتووی دیمەشق بوو و خاوەنی ڕەگەزنامەی بەریتانیایە لە گەڕەکی مالیکی شاری دیمەشق کوژرا.
3ی ئابی 2025، سەندیکای هونەرمەندانی سووریا - لقی دیمەشق، کوژرانی هونەرمەند دیالە ئەلوادی ڕاگەیاند.
سەرچاوە خۆجێییەکان بڵاویانکردەوە، هونەرمەند دیالە ئەلوادی کە هاوکات ڕەگەزنامەی بەریتانیای هەیە، لە ماڵەکەی خۆی لە گەڕەکی مالیکی دزی لێکراوە و کوژراوە.
ئەو سەرچاوانە باس لەوەش دەکەن، کە تاوانەکە لەناو ماڵی دیالە ئەلوادی ئەنجامدراوە و پارە و زێڕەکانیشیان دزیوە.
کوشتنی دیالە کاردناوەیەکی گەورەی بەدوای خۆیدا هێنا و چالاکوانان و هونەرمەندان و ئەکتەرە سوورییەکان بەتووندی ئیدانەی ئەو تاوانە دەکەن و داوای سزادانی تاوانباران دەکەن.