Serok Barzanî sersaxî li malbata xebatkar Ebdulrehîm Ismet Wanlî û PDK-S kir

Welat TV - Hewlêr

Serok Mesûd Barzanî sersaxî li malbata xebatkar Ebdulrehîm Ismet Wanlî û Partiya Demokrata Kurdistan - Sûriya kir.

Îro Serok Barzanî di nameyekê de, sersaxî ji malbat û kesûkarên Wanlî û endamên PDK-Sê re xwest: “Em hevbeşê xema we ne”.

Serok Barzanî da zanîn ku Wanlî kesayetiyeke niştîmanperwer a navdar bû li Rojavayê Kurdistanê û jiyana xwe ji bo doza Kurdî di nava refên PDK-Sê de terxan kiribû û rastî girtin, serkutkirin û koçberkirinê hatibû.

Di dawiya nameya xwe de, Serok Barzanî hêviya dilovaniyê ji xebatkarê koçbarkirî û sebr û aramiyê ji hemûyan re xwet.

*Ebdulrehîm Ismet Wanlî

Îro serkirdeyê berê yê Partiya Demokrata Kurdistan - Sûriya Ebdulrehîm Ismet Wanlî li welatê Siwêd koça dawî kir.

Ebdulrehîm wanlî sala 1957an tevlî refên PDK-Sê bû û gelek xebat di ber doza Kurdî de kir.

Sala a987an koçberî Siwêd bû û li wir piştevaniya doza Kurdî kir, Wanlî ji şêniyên taxa Kurdan li Şama paytexta Sûriyê ye