Baregeha Barzanî: Bêrêziya li dijî birêz Mîr Hazim Tehsîn Beg hatiye kirin bi tundî şermezar dikin

Welat TV - Hewlêr 

Baregeha Barzanî, bêrêziya li dijî Mîr Hazim Tehsîn Beg Mîrê Êzdiyan li Kurdistan û Cîhanê û Serokê Civata Ruhaniya Êzdiyan a li ku Elmanya hatiye kirin, bi tundî şermezar kir.

Baregeha Barzanî duh 5ê Tebaxa 2025an, daxuyaniyeke şermezariyê belav kir tê de piştevaniya xwe ji bo Mîr Hazim Tehsîn Beg tekez kir û hewlên, ji bo dirustkirina nakokiyan li nav Êzidiyan û sivikatîkirina bi pîroziyên wan red kirin.

*Naveroka daxuyaniyê weha hatiye belavkirin:

Bi navê xwedayê mezin û dilovan

Gelek bi tundî, wê bêrêziyê şermezar dikîn ku ji aliyê kesekê nezanê Êzdî ve, li bajarê Berlînê li dijî birêz Mîr Hazim Tehsîn Beg Mîrê Êzdiyan li Kurdistan û Cîhanê û Serokê Civata Ruhaniya Êzdiyan hatiye kirin.

Tevgerên bi vî awayî mebesteke xerapkarane li pişte û bi tu awayekê nayê qebul kirin. Her ji vir piştevaniya xwe ji bo birêz Mîr Hazim Tehsîn Beg dûpat dikîn û hemû hewlek jî, ji bo dirustkirina du berekiya li nav Êzdiyan û sivikayetî kirina bi pîroziyên wan red dikîn.

Baregeha Barzanî

05ê Tebaxa 2025