Barrack: Hikûmeta Sûrî û HSDê li ser agirbesteke giştî li hev kiriye
Welat TV - Hewlêr
Şandiyê Emerîka bo Sûriyê da zanîn ku hikûmeta Sûrî û HSDê li ser agirbesteke giştgir li hev kiriye.
Tom Barrack ev yek ji kenala Erebiyê re ragihand û diyar kir ku wî civînên erênî li gel Fermandarê HSDê Mezlûm Ebdî û Serokê Sûriyê bo Qonaxa Veguhêz Ehmed El-Şeri´ encam dane û encamên wê civînan agirbesteke giştgir bû.
Barrack got ku sibeha roja Sêşemê Emerîka destwerdan kir ji bo rawestandina girjiyên li Helebê û nûnerên hikûmeta Sûrî û HSDê di rûniştineke awarte de li hev kom kirin.
Li gorî Barrack, civînên wan li ser mîkanîzmên bicîkirin û dubare pabendiyê bi rêkeftina 10ê Adarê ya di navbera hikûmeta Sûrî û HSDê de hatî îmzekirin, rawestiya.
Joining @CENTCOM’s Admiral Cooper in implementing @POTUS’s policy of supporting peace and prosperity. https://t.co/Lb3P3Rhdgk pic.twitter.com/b0u1iXhzPS
— Ambassador Tom Barrack (@USAMBTurkiye) October 7, 2025
Her weha bixwîne: Şandeke HSD çû Şamê