Rêxistinek: Rêjeya qurbaniyên teqîna paşmayên şer ji sala 2024an ve zêdetir bûye

Welat TV - Hewlêr 

Di 48 demjimêrên bûrî de, sê zarok û çar çekdar li Sûriyê bûne qurbaniyên teqîna paşmayên şer.

Tîma Berevaniya sivîl a Sûriyê ragihand ji encama teqîna bombeyekê li gundewarê Idlibê zarokek hat kuştin û du zarok jî birîndar bûne. Her weha li Dêra Zorê ji encama teqîna mayînekê du endamên Wezareta Berevaniyênya Sûriyê hatin kuştin û du jî birîndar bûn.

Rewangeha Mayînan a navdewletî raportek derbarê qurbaniyên paşmayên şer belav kir û tê de got, rêjeya qurbaniyan ji sala 2024an ve gelekî zêdetir bûye.

*Metirsiya teqîna paşmayan

Derbarê Sûriyê, Rewangehê eşkere kir welatiyên Sûrî yên piştî ketina Esed vedigerin ser mal û milkên xwe rastî metirsiya teqîna paşmayan dibin, ji ber belavbûna hejmareke zêde ya teqemeniyan li tax û rêyan.

Raportê da zanîn, ji ber kêmbûna piştevaniya navdewletî proseya rakirina van paşmayan li Sûriyê asteng bûye û gelekî bi paş ketiye.