Şelal Gedo: Şanda partiya me li gel Wezareta Derve ya Sûriyê dicive

Welat TV - Hewlêr

Sekreterê Partiya Naverast a Kurd li Sûriyê da zanîn ku çûna şanda partiya wan bo Şamê bandorê li şanda Kurdî ya hevbeş nake.

Şelal Gedo ev yek di kongireke rojnamevanî de li Şamê ragihand û diyar kir ku ew ê li gel berpirsên Wezareta derve ya hikûmeta Sûriyê bicivin.

Şelal Gedo diyar kir ku Şam paytexta Sûriyê ye û divê ew lê hebin û bi hemû aliyan re hevdîtinan encam bidin.

Derbarê rêkeftina 10ê Adarê ya di navbera HSD û hikûmeta Sûriyê de, Gedo got ku rêkeftin dê were bicîkirin.

Şandeke Partiya Naverast a Kurd li Sûriyê bi serdanekê gihişt Şamê û li gel bepirsên hikûmetê û nûnerên pêkhateyan dicive.