DAIŞê kuştina gotarbêjê Seyide Zêneb li xwe girt

Welat TV - Hewlêr

Rêxistina DAIŞ a terorîst berpirsyaretiya xwe derbarê kuştina gotarbêjê Seyide Zêneb Ferhan Mensûr ragihand.

DAIŞê di daxuyaniyekê de got ku endamên wê di teqînekê de li devera Seyida Zêneb a gundewarê Şamê Ferhan Mensûr kuşt.

Daxuyaniyê diyar kir ku bombeyek di otombîla Mensûr de hatibû çandin û dema ji meqamê Seyide Zêneb derket otombîla wî hate teqndin.

Piştî teqînê, Wezareta Navxwe ya Sûriyê ragihandibû ku ew hewldanên rêbazkirî ji bo têkdana ewlehî, seqmgîrî û aştiya civakî dişopînin û ew tawan bê sizadan derbas nabe.

Gotarbêjê Seyide Zêneb Ferhan Mensûr yek ji kesayetiyên olî yên navdar yên Şê´î ye li Sûriyê, roja Îna bûrî di teqînekê de hate kuştin.