Sûriyê û Kiwêtê li ser avakirina komîteyeke hevbeş a bilind li hev kir

Welat TV - Hewlêr

Sûriyê û Kiwêtê li ser avakirina komîteyeke hevbeş a bilind ji bo şopandina doseyên hevkariyê li hev kir.

Îro Wezîrê Derve yê Sûriyê Es´ed Şeybanî û Wezîrê Derve yê Kiwêtê Cerah Cabir Ehmed Sebah li Kiwêtê civiyan.

Wezareta Derve ya Sûriyê ragihand ku di civînê de, li ser avakirina komîteyeke hevbeş a bilind ji bo şopandina doseyên hevkariya hevbeş bi serokatiya Wezîrên Derve yên herdu welatan, hate lihevkirin.

Li gorî Wezaretê, behsa bihêzkirina hemahingî û hevkariya diplomatîk û ya abûrî bi rêya avakirina encûmenke kar a Sûrî – Kiwêtî û çalakirina hevkariya bazirganî, hate kirin.

Wezareta Derve got jî ku Şeybanî tekezî li ser piştevaniya Sûriyê ji Kiwêtê û welatên kendavê re kir li dijî her êrîşekê.