Ewlehiya Navxwe: Nûçeyên belavbûyî ne rast in û tu rêbend li Hesekê nehatine armanckirin

Welat TV - Hewlêr

Fermandariya Ewlehiya Navxwe li Parêzgeha Hesekê ragihand ku tu rêbend nehatine armanckirin û nûçeyên ku li ser torên civakî hatine belavkirin ne rast in.

Fermandariya Ewlehiya Navxwe li Hesekê di daxuyaniyekê de got ew nûçeyên li ser torên civakî derbarî amadebaşî û tevgerên ewlehiyê û armanckirina rêbendan li parêzgehê red dikin.

Fermandariya Ewlehiya Navxwe her weha bang li welatiyan kir ku xwe dûrî nûçeyên ne bawerpêkirî bikin û zanyariyan ji aliyê fermî bibin.

Duh li ser torên civakî, nûçe hatin belavkirin ku girjî û alozî li Hesekê di navbera hêzên ewlehiyê û HSD derketine û her du hêz di amadebeşiyê de ne.