Yaneya El-Nasr a Siûdî gihişt Bexdayê

Welat TV - Hewlêr

Îro demjimêr heftê êvarê, tîma El-Şurta dê mêvandariya yaneya El-Nasr a Siûdî li lîstgeha El-Medîna li Bexdayê bike.

Di rûbirûbûnekê de, ji bo gera yekem a pêşbirkên AFC, amadekarî li lîstgeha El-Medîna li Bexdaya paytexta Iraqê tên kirin.

Tîma El-Şurta amadekariyên xwe ji bo vê rûbirûbûna girîng bi rahênanên tund û bihêz li lîstgeha, ji bo bidestxistina serkeftineke dîrokî bi dawî kirin.

Di heman demê de tîma El-Nasr dixwaze serkeftinên xwe vegerîne, piştî ku di gera sêyemîn a Lîga Roşen de li yarîgeha xwe li hember El-Ehlî yeksan bû.

Ev rûbirûbûna duyemîn e ku El-Nasr dê li hember El-Şurta bilîze, sala borî jî di lîstika berî dawiyê de cama Şah Selman de hatin pêşberî hev, û El-Nasr bi ser ket û derbasî lîstika dawiyê bû û serkeftin li hember El-Hîlal bi dest xist.

Cristiano Ronaldo ne beşdar e

Duh El-Nasr ragihand ku lîstkvanê navdewletî Cristiano Ronaldo, ji ber rewşeke tenduristî xirab, di vê lîstikê de beşdar nabe.