Bazara Cihûyan (Ezra) li Qamişlo

Welat TV - Hewlêr

Bazara Cihûyan (Ezra) ji kevintirîn bazarên bajarê Qamişlo yê Rojavayê Kurdistanê ye, her tişt lê tê dîtin.

Bajarê Qamişlo ku bi pêkhateyên xwe yên cuda rengîn e, û bazara Ezra yek ji nimûneyên rengînî û zengîniya bajêr e.

Ezra kesayetiya navdar li Qamişlo ku bazara Cihûyan bi navê wî tê naskirin, sala 1928an ji Nisêbîna Bakurê Kurdistanê hat Qamişlo û ev bazar ava kir.

Dukanên bazarê bi axê û daran hatibûn çêkirin, tê de kel û pelên malan, giyayê xwazayî û gelek pêdviyên jiyana rojane dihatin firotin.

Bi dehên salan e, bazara Ezra ya gelêrî hatiye avakirin û ta niha cihekî xwe yê taybet di nava xelkê bajêr de heye, ev bazar girêdayî resenî û bîranînên xelkê ye, taybetmedniyê wê tê parastin û ji nifşekî derbasî yê din dibe.

*Cihûyên Qamişlo

Cihû yek ji pêkhateyên Qamişlo bû, ku sala 1931ê hejmara Cihûyan li bajêr derdoras 3 hezarî bû.

Piştî şerê 1967an navbera Sûriyê û Misrê li aliyekî û Israîlê li aliyekî din, û serkeftina Israîlê di wî şerî de, Cihûyên Rojavayê Kurdistanê û Sûriyê rastî astengiyan ji aliyê Rêjîma Sûrî ve hatin û sal li pey sal koç kirin.

Dawîn Cihû li bajarê Qamişlo bi navê Yazê Nahûm bû ku beriya derdora mehekê koça dawî kir.